A New Beginning


在Wordpress開了新blog。順便幫艱辛妍宣傳下,其新專輯《A New Beginning》於丁太隻《Home》同日推出呀,雖然未聽到全部曲目,但Jade今次的確花了不少心血落隻碟,值得一聽。

話時話,我已經有超過三個月冇寫過Blog,我都數唔清每一日花咗幾多時間喺Microblog身上。恰好我已經不想再用Jacso了,又恰好好多人從Windows Live Space轉移到Wordpress,所以我又開多個blog了。雖則我係唔會將以前啲嘢搬過嚟。

其實本身我個新浪微博,個定位已經同blog無異,沒有太多嘢好寫好呻。往往是一件小事,再縮至140個字。雖則冇太多嘢好寫,但係都唔想就住就住。所以以後會喺wordpress寫blog。在weibo上的東西會是wordpress上的刪剪版。冇耐性睇的人可以直接睇新浪微博的精華版(也有可能係潔淨版),八卦嘅人睇完weibo仲想繼續發掘下有冇其他嘢嘅,可以跟翻weibo啲entry嘅link嚟到呢個版面睇完全版。

踏入金秋十月,很明顯要非常之忙碌,開呢個blog,都係為咗想monitor住自己,不能偷懶,應要做的事情要做好。我的GMAT,總該要花時間去做題吧。天氣漸寒,這個晚上竟然會跌至4攝氏度。喺campus stay到25點26點,仿佛已是每個周日的例牌動作。當然我亦唔可能只著一件衫通街走了。除了我的suits與blazers,我發現我只剩低兩件外套可著,一件是防水防風但超薄超輕的Nike Sportwear,購買理由係林峯上年的Let’s Get Wet演唱會,現在著都有些少緊,已冇可能喺低過15攝氏度的氣溫下著用。另一件來自Opening Ceremony,即係我o依家著緊呢一件。當時想買的唔係呢一件,但想買的落咗order之後冇貨,啲staff recommend咗價位差不多的呢一件,我一開始嫌其太平凡,但著上身,的確很舒服,舒服到o依家著出感情。著得太多次,(原因之前已提及,除此之外沒有其他較casual嘅jackets可著。)佢依然可著用都係因為當時M碼賣曬,買咗L碼,所以我現在都可以塞自己個肉體入件外套。OC的外套當然不便宜,但discount都好誇張,總之個價位尚可以接受。

今日要完成一份news item analysis,google完之後,決定做Tingyi,(即係「康師傅」。)真係好爆切,其他好多嘢都冇做,因為今日花咗時間喺《公主嫁到》大結局上面。睇完呢套劇,感受到了很多歡樂。至於我同一時間追睇的台劇《愛∞無限》,我已經越睇越悶。至於《巾幗梟雄之義海豪情》,睇了劇情簡介之後已經迫不及待了。煲劇,都可算係我唯一嘅recreational activity了。

近期很喜愛的一隻專輯係何韻詩的《無名.詩》。好耐之前,喜愛過HOCC一段好長嘅時間。雖然佢現在今年都會例牌出一首我很愛的也極具十大格的年度歌曲,但係那份喜愛已經淡咗好多,不過我無可否認的是每次聽佢成隻碟,都會有種入到我揀選之年度最愛專輯頭三位的感覺。

這個周末還花了很多時間睇China Open。尋晚睇Zhang Shuai vs Maria Kirilenko,張帥輸得非常之肉酸。之後再睇Maria Sharapova vs Tsvetana Pironkova,令到昏昏欲睡的我提心吊膽。唉,這麼一個周末就花光了。

關於 shawnwoo
Slim Gemini Guy

發表迴響

在下方填入你的資料或按右方圖示以社群網站登入:

WordPress.com Logo

You are commenting using your WordPress.com account. Log Out / 變更 )

Twitter picture

You are commenting using your Twitter account. Log Out / 變更 )

Facebook照片

You are commenting using your Facebook account. Log Out / 變更 )

Google+ photo

You are commenting using your Google+ account. Log Out / 變更 )

連結到 %s

%d 位部落客按了讚: